405. MUNENE WA AYAHUDI

 1.

 Munene wa Ayahudi wetagwo Nikodemu
 Niathire kwi Jesu utuku akimwira
 Maundu maria wikaga nimatumenyithitie
 Ati we umite kwi Ngai wa iguru.
 
 Campaign iria twinayo andu aitu
 Ihinda riri ni ya kuga Jesu niwe uhotanite
 Tuoete moko na iguru, maguru twikinyiire
 Tuhunjie injili theru tutari na guoya.
 
 2.

 Ndakwira atiriri oma oma oma
 Mundu angiaga guciaruo ringi na mai na Roho
 Ndangihota gutonya uthamaki-ini wa Ngai
 Ndukagege tondu ni ndoiga no uciaruo ringi
 
 3.

 Umuthi ti Nikodemu urageria Mwathani
 Ni muthuri, mutumia mwanake muiritu
 Ciarwo ringi ugaruruke ugie na muoyo
 Ni getha ukagairwo uthamaki wa iguru.
 
 4.

 Muriithi Mutheru Jesu niacirithirio ni Afarisai
 Na athuri na andiki marua othe
 Mamucuthiriirie mamutege ucio Jesu,
 Akimahota na uthingu na uhoro wama
 
 5.

 Nii ingikiuga atia ariu na ari a baba
 No tugathiiririe Jesu muhonokia witu
 Ucio nioi kuhonokia na guturia nioi
 Na ndagarurukaga ta muru wa adamu
 
 6.

 lnyui mwiririirie muoyo
 Taiguai mugambo wa Roho murumie na-ma
 Mwinyihie mwathike, Ngai witu niaregaga
 Gwitikia etii wega wake aitagiriria ngoro iria horeri.