407. KIGERANIO NI KIGERANIE

 1.

 
 Kigeranio ni kigeranie
 Giakugeria atheru mague
 Ndaguthaitha Ngai wa iguru
 Umenyere atheru aku.
 
 2.

 Ngai Baba nguguthaitha atia
 Niundu wa a nyumba yaku
 Aria Wamurire o mbere
 Na thakame ya gaturume
 
 3.

 Mukwiruo mutige kuraria
 Aingi riu no mekuraria
 Riria ndungata yoiga uhoro
 Magacoka kuria uria utarii
 
 4.

 Na matingimenya ndugata
 No ta muraika wa Ngai
 Atumwo kwa Elizabeth
 Zakaria arega gwitikia
 
 5.

 Niahingiruo kwaria o nginya
 Riria Elizabeth agaciara
 Indi Mariamu etikia
 Niarathimiruo ni muraika
 
 6.

 Ta uria gwatarii ndimwire
 Ona riu noguo gutarii
 Mwitikia nietikie uhoro
 Na muregi niathii na mbere.
 
 7.

 Magai meho ninjigite
 Igai ria wega ninjigite
 Ona ria uru nonjigite
 Mwitikia nietikie uhoro.
 
 8.

 Riu twambatite kirima
 No indi ndarora ninguona
 Amwe mari thutha kuraya
 Na aria njamba noo me mbere.
 
 9.

 Uria wina ugi ongerere
 Na uthingu wa ngoro uingihe
 Na wendani uria utathiraga
 Wa Ngai na Jesu na Roho.